Greg Niemczuk kjem til Kulturhuset Husnes 6. desember. Det for å feira Beethoven sitt 250-årsjubileum. (Pressefoto)

Markerer Beethoven-jubileum i Kulturhuset Husnes

Den polske pianisten Greg Niemczuk kjem tilbake til Kulturhuset Husnes med sin hyllest til Beethoven.

I 2020 er det 250 år sidan Ludvig van Beethoven vart fødd, eit jubileum som vil bli feira rundt om i heile verda. Også på Husnes. 6. desember kjem nemleg pianisten Greg Niemczuk tilbake til Kulturhuset Husnes for å gi kvinnheringane sin hyllest til giganten innan den klassiske musikken.

– Greg gjer det ved å henta fram ein del av Beethoven sine mest kjende og mest populære verk for piano. Sjølv om Greg er mest kjent som Chopin-tolkar, elskar han å spela og tolka Beethoven. Og den store tyske komponisten har ikkje minst ein spesiell plass i Greg sitt hjarte, står det å lesa i ei pressemelding.