«Maten er meir enn føda»
15. oktober er Verdas matvaredag. Dette vil Omvikdalen Bygdekvinnelag markera med eit folkemøte i Rosendal Samfunnshus.
– Dagen skal skapa merksemd rundt behovet f
Artikkelen held fram under annonsen.
or å skaffa nok og næringsrik mat til alle. Omvikdalen Bygdekvinnelag inviterer difor til folkemøtet «Maten er meir enn føda». Vi har fått Einar Risvik til å koma og halda føredrag. Han er seniorforskar i Nofima (Matforskingsinstituttet) og styreleiar i Skolematens venner. Han er ein svært kunnskapsrik og god formidlar, som snakkar på ein engasjerande og lettfatteleg måte, opplyser bygdekvinnelaget i ei pressemelding.
Risvik vil ta for seg korleis ein skal eta rett i ulike fasar av livet, og han er oppteken av ernæring til born, unge, eldre, om du trenar og så vidare. Ikkje minst er han oppteken av at måltidet skal vera ei god stund.
– Vi trur han vil formidla noko dei fleste både vil ha glede og nytte av å høyra, difor sender vi særskilt invitasjon til lag og organisasjonar i kommunen. Vi vil også oppmoda foreldre om å koma og høyra på han. Vi planlegg dessutan smaksprøvar av sunne godbitar, men fortel ikkje konkret kva vi kjem til å servera, skriv arrangøren.
– Vi trur dette kjem til å bli ein inspirerande kveld, lokkar dei.