Ny bok om det fyrste krigsåret
Den ferske boka «Hordaland i krig. Krigsåret 1940 sett fra den tyske siden» inneheld også stoff om krigshandlingane i Herøysundet og Uskedalen.
Boka er skriven av Vegard N. Toska frå Manger. Trass sin unge alder (født 1994) er han allereie ein engasjert lokalhistorikar. Han er sjølvstendig næringsdrivande, men studerer for tida historie ved UiB. Historikar Ole-Jacob Abraham ved Museum Vest karakteriserer «Hordaland i krig» som eit formidabelt verk.
Artikkelen held fram under annonsen.
«Aldri før har Hordalands krigshistorie i 1940 blitt presentert så detaljert og illustrert med så mykje biletmateriale. Det er også spesielt med boka at felttoget i april og okkupasjonen blir fortalt frå okkupanten sin ståstad. Med utgangspunkt i si omfangsrike private samling av unike og tidlegare upubliserte krigsbilete, skildrar Vegard Toska krigsåret 1940 i nøkternt språk», skriv han på omslaget.
Boka går gjennom hendingane i 1940 på dag til dag-basis. For kvinnheringane er nok dagane 18. til 20. april mest spennande.
– I boka er det interessante opplysningar knytt til operasjon «Unternemen Bringedalsbygd», opplyser Otto Ersland i Kapabel forlag, som gjev ut «Hordaland i krig».