Rikhaldig Festidagen-program
Det vert noko for kvar ein smak og til folk i alle aldrar når Festidalen inviterer til leik, læring og moro fire dagar til endes.
Anten du liker Yoga, sykkel, sjakk, marimba, klatring, hår eller sminke har Festidagen-gjengen noko å tilby til deg. Dei har nemleg stabla på beina eit rikhaldig program med ei 15 spennande aktivitetar for dei minste.
Artikkelen held fram under annonsen.
Makeup & Hair: Har du lyst til å læra deg nokre gode sminketips og ulike flette-teknikkar, er dett gruppa for deg. Mathilde Petterson Mikkelsen leiar aktiviteten som finn stad på Uskedalen skule.
Festauranten: Anders Totland kjem for å læra vekk sine beste kokketriks i kjellaren på Helgheim.
Redesign: Dette er gruppa for dei kreative og iderike, og som i tillegg liker klede og mote. Beate Solem Røssland lærar vekk korleis du kan sy nye plagg av gamle klede på Uskedalen skule.
Bogeskyting: Terje Bakke frå Kvinnherad bogejegerklubb stiller med både bogar og blink og held kurs i bogeskyting på kunstgrasbanen i Uskedalen.
Klatring: Christoffer Fossli og Karsten Haugland inviterer til klatring i Børsdalen.
Character design: Skulptør Espen Attramadal tek deltakarane med på heile prosessen frå blyant og papir til ferdig forma figur på skulen.
Marimba: Mauricio Weimar frå Kvinnherad kulturskule inviterer til workshops i afrikanske tonar. Også det på Uskedalen skule.
Sjakk-i-dalen: I år som i fjor kjem Torstein Monsen til Festidagen for å instruera både den lærde og den ulærde i sjakk.
Artikkelen held fram under annonsen.
Nysirkus: Nysirkus Pilar tek i bruk idrettshallen i Uskedalen for å gje både born og ungdom som drøymer om å bli sirkusartist ein sjeldan sjanse til det.
Pimp my bike: Gina Ness Valvatne og Edel Legland er på plass for å dekorera gamle syklar som seinare skal vera med å pynta opp festivalbygda.
Sykkelaktivitetar: Kvinnherad sykkelklubb er på plass for å både gje ei innføring i stell og vedlikehald av sykkelen din, samt for å arrangera ein sykkelkonkurranse for dei minste.
Instrumentbygging: Her kan du bli med Gøril Skeie Sunde å laga dine eigne instrument av forskjelleg verdilaust materiale.
Yogaleik: Marte Bakke inviterer til yoga i Helgheim.
Småstjerner: Konkurranse for deg mellom 0 og 12 år som likar å stå på scena og syngja fengjande songar, anten det er playback eller live.