Sikra seg gullbilletten
Kjerstin Guddal Jansson (17) frå Seimsfoss song seg fredag kveld vidare i Idol.
Med sin versjon av Siri Nilsen sin «Stille Vann» sjarmerte Guddal Jansson dommartrioen, beståande av artist og låtskrivar Ina Wroldsen, manager Gunnar Greve og musikkjournalist Sandeep Singh, nok til å sikra seg gullbilletten til Oslo.
– Dette er vakker formidling, sa Gunnar Greve før eit samstemt dommarpanel i kor sendte Kjerstin vidare.
Artikkelen held fram under annonsen.
Når Grenda møtte Jansson i førre veke var alt framleis litt hemmeleg, men ho kunne fortelja at ho hadde minska forventningane sine i fare for å bli såra.
– Eg har nullstilt alt eg hadde av forventningar, slik at eg ikkje skal bli skuffa. Men for kvar gong det går bra og eg går vidare, så blir eg utruleg glad. Eg har ikkje nokon spesiell målsetning for kor langt eg skal koma, eg tar ting litt som dei kjem, seier ho.