Sinatra-suksess
Øystein Kloster og Breibandet bigband leverte ein strålande Sinatra-konsert i Kulturhuset Husnes fredag kveld.
Nærare 100 personar fekk med seg den feiande flotte konserten. Øystein Kloster fekk bruka heile registeret sitt; både songaren, showmannen og humoristen fekk fritt spelerom, og leverte som alltid ein formidabel innsats. Med dei glitrande musikarane i ryggen og eit program beståande av den eine udøydelege klassikaren etter den andre, kunne Kloster notera seg for ein ny suksess på heimebane.
Les eit fyldig referat frå konserten i Grenda på tysdag.