Skal feira jubileum
Både Hatlestrand og Ølve barnehage sto ferdig hausten 1993, og neste torsdag vert det feiring av 30-års jubileum.
– Det blir feiring i begge barnehagane på kvelden, og her er alle velkomne. Det hadde vore veldig kjekt å sjå bygdefolk, tidlegare elevar, føresette og tilsette, seier styrar i barnehagane Viviann Tuften.
Ho fortel at det blir ikkje eit fastsett program, det er litt opp til kvar av barnehagane kva som skal skje, men at folk kan koma innom og få kaka, kaffi og ein omvising i barnehagane.
Artikkelen held fram under annonsen.
I Hatlestrand barnehage har dei nett oppdatert kjøkenet, så dette kan vera artig for mange å sjå.
På dagtid blir det markering for ungane som går i barnehagane, med fest, mat og dessert. På kvelden vil det verta ope for alle.
– Vi har veldig lyst til å visa fram litt av kvardagen vår, så vi håpar at mange tek turen, seier Viviann.