Songkafé på samfunnshuset i Rosendal
Når Rosendal inviterer til songkafé på samfunnshuset i Rosendal onsdag 22. januar, er det duka for eit variert program med både kaffi, kaker og lokale krefter.
– Med oss har vi Thea Mælen Legland på fiolin, Bjarne Øymyr på piano og Torbjørn Storgjerde solosong, fortel Kjartan Bjorøy i songlaget.
Artikkelen held fram under annonsen.
– Dei som kjem, får også bidra med allsong, legg han til.
Klassikarar innan forskjellige sjangrar som Joseph Hayden, kjend frå wienerklassisismen, Sting og Henry Manzini er representerte. Norske einarar innan song/visetradisjon med Alf Prøysen, Jan Eggum og Johannes Kleppevik bidreg til breidde i musikkopplevinga denne kvelden.
– Vi ser fram til å dela desse musikkopplevingane med mange denne kvelden, sluttar Bjorøy.