Strupebandet syng jula inn
Strupebandet har utvida solistrekkja og inviterer til tre førjulskonsertar andre helga i desember.
Tradisjon tru stiller Strupebandet opp for å skapa julestemning for kvinnheringane også denne jula. Det gjer dei med to konsertar i Halsnøy kulturhus og ein i Kvinnherad kyrkja den andre helga i desember.
Artikkelen held fram under annonsen.
– Julebodskapen står sentralt, og elles blir det gospel og julerelaterte ting til glade rytmar. Solistrekkja er stadig utvida, og orkester og gjestemusikararar er med, skriv Strupebandet på Facebook.
Dei opnar med førjulskonsert i Halsnøy kulturhus 6. desember, før dei på ny går på i heimbygda si påfølgjande dag. Så vert årets førjulstrippel avslutta med konsert i Kvinnherad kyrkja søndag 8. desember.