Tilbake til Ølve etter fjorårets storsuksess
Arne Torget og Roar Brekke inviterer til komikveld i Ølve ungdomshus laurdag 19. oktober.
– Det var skikkeleg stor interesse med fullt hus og lange ventelister sist, difor har me bestemt oss for at me kjem tilbake, seier Arne Torget.
Artikkelen held fram under annonsen.
Mannen som gjekk vidare i Norske Talenter tidlegare i haust feirar snart 40 år som skribent, han trengte difor ikkje leita lenge i gamle notat for å finna nytt materiale for ølvisane.
– Eg har gått litt i meg sjølv og funne fram noko nytt, eg har jo snart heldt på med dette i 40 år no, så det er blitt noko å ta av, ler Torget.
Med seg på scena har han komikar Roar Brekke frå Odda. Saman dannar dei ein komikarduo som etter kvart er blitt god kjente, gjennom revy, rorbukveldar og show, liknande det dei skal ha i Ølve 19. oktober.