Travel pinse i Åkra
Både laurdag og søndag blir det tett program i Åkra.
Pinsen i Åkra er alltid tettpakka med hendingar, og 2018 er på ingen måte noko unnatak. Laurdag blir det høgt aktivitetsnivå, med sandvolleyturnering med tremannslag og Åkraløpet (sjå eigen sak). Søndag blir det rodd til kyrkjes, i tillegg til konsertar ute og inne.
Artikkelen held fram under annonsen.
Både laurdag og søndag blir det konsert med Karoline Taraldsøy i Åkra. Laurdag kveld blir det konsert under pubkvelden i Sjøbuo, medan det søndag blir utekonsert på kaien når roarane kjem, og det blir kyrkjekonsert etter gudstenesta.
– Countrymusikken står hennar hjarte nærast, men ho er ein allsidig artist med mange sjangrar på repertoaret, skriv Åkra Bygdelag i ei pressemelding som artisten som best vert skildra som trudbadur.
Dei lovar at kyrkjekonserten vert ei blanding av kjente og mindre kjente songar, norske viser, country, gospel, salmar og eigne songar.
I Sjøbuo på laurdag kveld blir det fullt trykk med eit spenn frå countrysvisker, 80-talsmusikk, norske slagerar og elles musikk som syt for god allsong.