Unik og spontan konsert
Maria Mena skal ha to konsertar på Baroniet i kveld. Klokka 13.00 varma ho opp med å framføra tre songar i hagen utanfor Instinkt Mote i Skålagato.
At Maria Mena kjem til Baroniet for å halda konsertar er spesielt nok. Heilt unikt er det at ho også tok seg tid til ein liten ekstrakonsert i Skålagato. Kristin Tufta hjå Instinkt Mote fekk lov til å marknadsføra hendinga to timar i forkant, men det var meir enn nok. For på kort varsel fann nærare 100 personar fram til butikken.
Maria Mena sjølv var i perlehumør, og fortalde grundig om kvar av songane ho framførde. Ho likte også godt å vera attende i Rosendal og at ho kunne overraska med ein slik konsert.
Artikkelen held fram under annonsen.
- Eg må ærleg vedgå at dette er det eg likar best, å øydeleggja dagen for folk, smilte ho.
Les meir i Grenda på torsdag.