Utstillingsopning og klosterdag

Årets store dag på Halsnøy kloster nærmar seg.

Førstkomande søndag blir det utstillingsopning, konsert, føredrag, urte- og plantesal, leikar og bogeskyting ved klosteret.

Årets sommar-utstillar er Jeanette Persson, ein svensk kunstnar som er busett på Stord. Ljos og skugge er ein viktig del av uttrykket i denne utstillinga av både bilete og installasjonar. Tittelen er «Kom nærare», og det handlar om å våga å gå nærare for å sjå.

– I følgje kunstnaren sjølv er det lov å ta på – om ein er varsam, heiter det i pressemeldinga frå Sunnhordland museum.

Utstillinga er jobba fram i Persson sitt studio på Litlabø. Kunstnaren har mellom anna studert ved kunsthøgskulen i Bergen. Utstillinga er open heile sommarsesongen på Halsnøy kloster.