Kvinnherad kommune lyser fred over minnet til HM Kong Harald V

På vegner av innbyggjarane i Kvinnherad sender eg våre varmaste tankar til Hennar Majestet Dronning Sonja, den kongelege familien og alle som sørgjer i dag.

Det er òg med djup takksemd me minnast HM Kong Harald si gjerning. Kongen har vore høgt elska og ein samlande skikkelse for folket vårt. Gjennom meir enn trettifem år på trona viste han klokskap, verdigheit og eit ekte engasjement for menneska han var sett til å tena. Han møtte folk med varme, respekt og humor, og han hadde ei sjeldan evne til å skapa nærleik mellom kongehuset og folket.

Mang ein kvinnhering vil med glede minnast at HM Kong Harald har vitja kommunen vår, både offisielt og privat. Kongen var ved fleire høve i Kvinnherad, og mange vil nok hugsa synet av Kongeskipet i fjorden vår. Dette viser at me har hatt ein konge som har vore nær og trygg for oss også her i Kvinnherad.

Me minnast òg Kongen som ein som gjennom det han sa og det han representerte, bidrog til respekt, samhald og forståing i det norske folket. I sorg og glede, og i møte med menneske frå heile landet, viste han den same varmen, respekten og interessa.

Me kvinnheringar minnast HM Kong Harald si gjerning med takksemd, varme og respekt.

Fred over minnet til HM Kong Harald V.

Vegard Bjørnevik
Ordførar i Kvinnherad kommune