150 meter breitt sørperas ved Kroka - oppdatert

Vest politidistrikt melder at eit 150 meter breitt sørperas har gått ved Kroka.

Meldiga frå Vest politidistrikt kom kl. 1751. Det blir meldt om jord/snø/sørpeskred som har gått over FV500 Sunndalsvegen ved Kroka.

– Det blir beskrive som ca. 150 meter breitt og ca 2-3 meter høgt. Opplyst at ingen er tekne av raset, ikkje bilar eller busetnad. Politiet er på staden med ein patrulje, melder Vest politidistrikt på Twitter.

Har du foto å dela? Tips oss på post@grenda.no!

Politiet har kl. 1836 oppdatert med følgjande informasjon:

– Det pågår anleggsarbeid på staden i samband med ein ny krafttunnel. Det er folk på staden, men ingen som er sakna. Ein gravemaskin og ein varebil er treft av raset, men det var ikkje personar i desse. Vegen er heilt stengd.

Kl. 2045 kom vegtrafikksentralen med ny oppdatering frå rasstaden.

– Vegen er stengt mellom Årsnes og Sunndal, geolog er på plass lørdag føremiddag. Det er foreløpig sett ny vurdering lørdag kl. 15.00, melder dei på twitter.