Alle over 18 år får tilbod om oppfriskingsdose
Regjeringa set seg som mål at alle over 18 skal få tilbod om oppfriskingsdose av koronavaksinen innan utgangen av februar 2022.
– Målet nor er at alle over 18 år skal få tilbod om oppfriskingsdose innan utgangen av februar neste år. Kommunane vil få utsendt dosar slik at det vil vera mogleg, seier statsminister Jonas Gahr Støre i ei pressemelding.
Anbefalinga frå FHI er at alle i alderen 18-44 år skal få tilbod om ei tredje vaksinedose når det har gått minst 20 veker sidan dose to. Det er særleg viktig at personar med underliggjande sjukdomar og tilstandar med moderat auka risiko for alvorleg løp av cocid-19 i alderen 18-44 år, tar oppfriskingsdosen.
Artikkelen held fram under annonsen.
– Dette gjeld også dei eldste i denne aldersgruppa, og dei som har yrkesrelatert eller anna auka eksponering for smitte. Men også alle andre i aldersgruppa 18 til 44 år kan vaksinera seg om dei sjølv ynskjer, står det å lesa i pressemeldinga.