Alvorsprat med unggut som køyrde for fort

Politiførstebetjent Torgeir Fosse fortel at politiet måtte ta ein alvorsprat med ein ung gut som køyrde for fort tysdag kveld.

– Ungguten fekk ein alvorleg prat med politiet. Sett i ljos av hendingane dei siste vekene, meiner vi at folk bør tenkja seg om, seier Fosse.

Politiet observerte bilføraren då dei var ute og patruljerte på Husnes tysdag kveld.

– Han vart stoppa klokka 20.20. Dette var ein gut som tidlegare har vore involvert i trafikkuhell. Vi hadde ikkje noko godkjend måling på han, så vi har ikkje oppretta sak, men vi har notert oss dette, seier Fosse.