Anonym gjevar med kjempegåve til frivilligsentralen
Kvinnherad frivilligsentral har fått ei fantastisk gåve frå ein anonym gjevar.
Torsdag i førre veke kjøpte ein anonym person 60 gåvekort på Husnes storsenter på 1000 kroner kvar til Kvinnherad frivilligsentral og deira julegåveaksjon. Dagen etter fleska den gåvmilde givaren til igjen.
Artikkelen held fram under annonsen.
– Den anonyme gjevaren slår til igjen, og har bestilt 32 ny kort på 1.000 kroner kvar som Kvinnherad frivilligsentral skal få gleda av å dela ut, skriv Husnes storsenter på Facebook.
Desse gåvekorta skal delast ut saman med julegåvene som frivilligsentralen deler ut i samband med deira årlege julegåveaksjon.