Arbeidet i gang på Rema-tomta

Tidleg i denne veka gjekk Rema-tomta frå å berre vera ei einsam grå flekk til å bli ein inngjerda byggeplass.

Sjølv om det er Helgesen Tekniske Bygg AS frå Osterøy som har blitt tildelt hovudansvaret for det nye Rema-bygget, vil lokale verksemder som Dimmelsvik Entreprenør AS og Husnes Røyr bidra med sitt. Allereie denne veka var fleire arbeidarar på plass på den tidlegare Lidl-tomta for å rydda vekk skog rundt tomta. Noko som var eit krav får kommunen.

– Dette blir kjempebra. Med krav frå kommunen skal uteområdet rustast godt opp. Så det blir fint for Husnes at det såret som har prega området der sidan sankthans 2006 no endeleg blir fiksa opp. Vi ser veldig fram til å flytta inn i det nye bygget i byrjinga av oktober, sa Rema-sjef Dagfinn Gjerde til Grenda då dei var byggjeklare den 10. februar.