Arbeidsløysa går framleis ned i Sunnhordland

I juni var arbeidsløysa med heilt og delvis ledige i Sunnhordland på 7,4 prosent av arbeidsstyrken. Dette er ein nedgang på to prosentpoeng samanlikna med månaden før.

– Vi ser i juni den lågaste arbeidsløysa sidan februar. Det stadfestar inntrykket om at arbeidsmarknaden i Sunnhordland normaliserer seg, litt etter litt. Vi kjenner likevel til at fleire verksemder framleis står i vanskelege situasjonar, og følgjer utviklinga tett, seier leiar Astrid Østerlid i Nav Sunnhordland i ei pressemelding.

 

Lågast i Kvinnherad

I Sunnhordland er det Kvinnherad og Fitjar som kan visa til den lågaste arbeidsløysa. Dei har begge tre prosent heilt ledige, medan ein på Stord er heilt oppe i 5,3 prosent, som også er høgast i regionen.

Talet på permitterte i Sunnhordland var i juni oppe i 1213, som igjen tilsvara fire prosent av den totale arbeidsstyrken. Av desse står Kvinnherad for 205 dei. Men tala er langt betre enn dei var førre månad.

– Særleg innan butikk- og salsarbeid og reiseliv og transport, men også i bygg og anleggsbransjen ser vi ein nedgang i talet permitterte. Vi vonar andre næringar vil sjå same utvikling frametter, seier Astrid Østerlid i pressemeldinga.