Arbeidsulukke i Omvikdalen
Ein mann er sendt til legevakta i Rosendal for nærare sjekk etter å ha sklidd 2 meter og ned i ei grøft i Fetvegen i Omvikdalen
Det var like etter klokka 12.30 torsdag at brannvesenet og lege rykte ut til Fetvegen i Omvikdalen etter melding om ei arbeidsulukke. Mannen, som heldt på med noko dreneringsarbeid, sklei etter å ha gått ut av gravemaskinen sin. Men kom seg like etter opp av grøfta av eigen maskin, og vart sendt til legevakta for nærare sjekk.
– Det har vore ei arbeidsulukke der ein mann ramla ned i ei grøft. Han gjekk sjølv ut etter fallet, og er no køyrd til legevakta, seier brannbefal Rune Hanssen.