Året som har gått i bilete - første halvår

2020 har vore eit annleis år på mange måtar. Her får du servert litt av det Grenda skreiv om i løpet av årets første halvår.

Atle Søllesvik (t.v.) i Dimmelsvik Entreprenør og leiar Jostein Hatteberg i Rosendal Turnlag gler seg over at arbeidet med den nye løpebanen er i gang.

 

Det var 50 år sidan ulukka i Rennedalen. Ei ulukke som har prega både Sigmund Fredheim (t.h.) og Hans Ølve Sandvik. – Det gjer godt å få snakka om det, var karane samde om.

 

Fleire pårørande var samla ved rasstaden for å minnast at det var 50 år sidan den tragiske rasulukka som tok livet av sju personar i Rennedalen.

 

Ekstremvêret «Didrik» gav Anita Gaassand optimale padleforhold i Omvikdalen.

 

Det var god stemning over heile fjøla då Audun Lund Eik inviterte til motorsagkurs for damene. Annhild Oma (f.v.), Bente Haveland, Helga Tveit, Berit Dale og Audun Lund Eik.

William Sahr (t.v.), Even Mikal Rasmussen Haraldsen og Benjamin Henriksen er kameratane bak mekkegjengen "Tasteless Outlaw". Dei inviterte bilinteressert ungdom inn i garasjen sin på Børneset.

 

Når ferja ligg til kai på Gjermundshamn, går Jan Ove på land og fyrer opp ein røyk. Trekkjer inn, bles ut. Ser på sigaretten.

– Eg skal snart slutta. Igjen. Eg har berre tre kartongar att eg skal røyka opp. Eg slutta tidlegare, var utan røyk i tre år, men då kona vart sjuk og døydde byrja eg igjen. No er det snart slutt att, og når eg bestemmer meg for at det er slutt, så er det slutt, seier han.

Reven hadde vore på ferde i hønsehuset på Fossberg i Rosendal. Og dei han ikkje hadde tatt med seg allereie, verka det som at han hadde tenkt å koma tilbake og henta. Marie var ikkje begeistra for massakren.

Gaute Vaage kjøpte Mykle Mikrobryggeri og følgde ølbryggjardraumen. Då under namnet Vaage Bryggeri AS.

 

Raudrussen leverte varene då dei inviterte til russerevy i slutten av januar.

Frida Ask med besten Geir Andreas Lyhammer i snøen på det som var ein av vinterens vakraste dagar i året som gjekk.

Vel 30 av Kaldestad-bygda sine små og store gjekk samla til skulen denne februarmorgonen. Med seg på tur hadde dei fungerande ordførar Hilde Enstad. – Eg har full forståing for bekymringane til foreldra, sa Enstad.

Grenda var med då Kvinnherad Motorsportklubb var i Haugesund for å trena på gokart.

Kåre Eik og kona Inger Berge Eik (t.v.) var tysdag på besøk hos Kong Harald og Dronning Sonja på slottet. (Foto: Håkon Mosvold Larsen/NTB Scanpix)

Desse papegøyane var stormforelska i kvarandre i februar.

Trea stod eit par hundre meter frå der Hans Einar Guddal bygde sauehuset sitt. Det meste har han gjort sjølv, inkludert å teikna bygget, skore stokkane og reist grindahuset.

Niels Jakob Erlingsson var klar til å ta fått på oppgåva som økonomisjef i Kvinnherad kommune.

Lata Marie og Harald Hauge satsa på draumen og kjøpte seg småbruk på Kaldestad.

Kim Røssland tok over som ny fabrikksjef ved Palfinger Ølve etter Arvid Skogseide.

 

Det var god deltaking då Kvinnheradmeisterskapen i langrenn gjekk av stabelen i Fjellhaugen.

Over Hermann Romslo leia oppstartsteamet til Hydro Husnes.

Det første koronatilfellet vart påvist i Kvinnherad.

Kvinnherad kommune innførte besøksforbod på alle sjukeheimane.

Alle skular og barnehagar vart stengt.

 

Dei politiske møta vart flytta over på digitale plattformar.

Tina Abdulla signerte for Borussia Dortmund.

Slik utvikla koronaen seg i Kvinnherad i slutten av mars.

Magne Jostein Mikkelson og Kurt Arne Tyse kjøpte lokala til Palfinger på Seimsfoss.

Både hovudtillitsvalt Ørjan Normann (t.v.) og fabrikksjef Johan Berg var skuffa over at oppstarten av B-hallen vart utsett.

Elisabeth og Lars Johan Næs kunne skåla i elitemjølk for 25. året på rad.

Rektor Odd Steinar Arnesen ved Uskedalen skule var klar for å opna skuleporten for 1. til 4. klassingane 27. april. Emmie Musland (t.v.) og Aurora Sofie Guddal Tarberg hadde mykje å fortelja rektoren i den aller første storefrien.

 

Kommuneoverlege og smittevernlege Glenn A. Opland (t.v.), ordøførar Hans Inge Myrvold og kommunedirektør Ragnhild Bjerkvik mana til aktsemd.

 

Ove Stokka frå Utåker sytte for golv og dekorasjonar i tilbygget til Dinosaurhuset i Steinparken. Der høyrer ein dinosaur på veggen naturleg heime.

FN-soldatane Svein Rekkedal (t.v.) og Asle Sund la ned krans på Husnes 75 år etter at krigen tok slutt. – Vi skal vera veldig glade for at vi har fred rundt oss i dag, sa Rekkedal.

Joachim Heimvik har bytta bilen i ein fiskebåt, og gjer mykje for å følgja fiskardraumen. Kjærasten Guro Klette Leganger er med på laget.

Kjetil Mehl og broren Vidar offentleggjorde at dei ville gå for norgesrekordforsøk på sykkel i Kvinnherad.

… og norgesrekorden tok dei med glans.

Grenda var med på ein runde frisbeegolf på Hatlestrand.

Strand-Ulv og Svein Åge Vangdal var ein av fleire som fekk tildelt gåve frå den koronavenlege utdelinga frå Sparebank 1-stiftinga Kvinnherad.

Espen Aakre Sjo kjem ut i frå Kvinnherad vidaregåande skule med berre seksarar på vitnemålet.

Denne trioen stod i bresjen for tidenes første Pride-markering i Kvinnherad.

Trass korona vart det gjennomført Base Camp i Uskedalen.