Administrerande direktør Arne Hammer i TB Haugesund (t.v.) og administrerande direktør Jan Richard Dyrseth i Aritech. (Pressefoto)

Aritech kjøper TB Haugesund

– Med dette oppkjøpet tek me posisjon som den leiande tverrfaglege aktøren på Haugalandet, skriv Aritech i ei pressemelding.

Aritech, som har hovudkontor på Stord og lokalavdelingar både i Kvinnherad og Haugesund, har kjøpt selskapet TB Haugesund. Ei bedrift Aritech kjenner godt frå før.

– TekniskBureau Haugesund er ei bedrift som Aritech kjenner godt til, og som me har ei felles historie med, seier administrerande direktør Jan Richard Dyrseth i Aritech.

TB Haugesund er eit resultat av samanslåinga av Asator og Teknisk Byrå Haugesund tilbake i 2008.

– Så me har vore kollegaer og samarbeidspartnarar i over 20 år, seier Dyrseth i pressemeldinga.