Arrangerer Ukraina-dag med innsamling
Laurdag vert det høve til å donera klede, sengetøy og anna som kjem godt med når vinteren nærmar seg Ukraina.
I slutten av oktober skal uskedeling og bussjåfør Tormod Myklebust køyra sin tredje tur for året med naudhjelp til Ukraina. Innbyggjarane i Kvinnherad har allereie donert store mengder klede, men på laurdag vert lageret i Uskedalen opna for dei som har meir dei kan avsjå. Det er diverre ingen tvil om at behovet framleis er enormt, spesielt no som despoten Putin trugar med å gjera invasjonen endå meir brutal.
– Som alltid er det klede, sko, madrassar, sengetøy og liknade det er behov for. Denne gongen er det ekstra trong for vinterklede. Elles har eg forstått det slik at også undertøy og stillongsar er svært etterspurd, fortel Tormod.
Artikkelen held fram under annonsen.
På laurdag vil ukrainarar som no er busette i Kvinnherad vera til stades. Det vert òg servert kaffi og noko å bita i.