Arrestert etter å ha utført vald mot kvinne
Politiet arresterte ein person på ei adresse i Kvinnherad etter at vedkomande hadde utført vald og oppført seg trugande mot ei kvinne natt til søndag.
Politiet i Kvinnherad fekk natt søndag melding frå ei kvinne som hadde søkt tilflukt hos nokon naboar etter å ha blitt utsett for vald og valdeleg åtferd. Politiet rykte raskt ut til adressa og arresterte den valdelege personen.
Artikkelen held fram under annonsen.
– Vedkomande sat i arrest fram til søndag ettermiddag. Vi har gjort ein god del undersøkingar, men er ikkje heilt ferdig med etterforskinga. Saka vil bli etterfølgd vidare og det er oppretta sak, seier lensmann Sigurd Børve i Kvinnherad lensmannsdistrikt.
Det var ikkje noko familietilhøyrsle mellom partane.