Avisbunken til Ølve og Hatlestrand hamna på Husnes
Tysdag mangla Grenda i postkassane til abonnentane i Ølve og på Hatlestrand. Avisa er lova utlevert på onsdag.
Abonnentane i Ølve og på Hatlestrand fekk ikkje tysdags-Grenda som forventa i dag. Eit visst detektivarbeid spora opp pakken med aviser til dei to bygdene ein heilt annan stad enn dei skulle vore.
– Avisene som skulle vore fordelt der, er lokaliserte på Husnes. Denne feilsendinga er me lova retta opp i til i morgon. Desse avisene blir sendt tilbake til trykkeriet og går inn i utsendinga etter den vanlege rutina, men dei kjem då dessverre 24 timar seinare enn dei skal, forklarer dagleg leiar i Grenda Jarle Håvik.