– Avisene blir seine i postkassen i dag
Posten slit med å få Grenda ut i postkassane i tide i dag, torsdag 14. juni.
Posten oppgjer at grunnen til at avisene ikkje er komne til Kvinnherad i tide, skal vera at det var fullt på bilen som gjekk i frå Bergen i natt.
Artikkelen held fram under annonsen.
– Difor vart Grenda sett att, seier Sven Åge Lund i Posten til Grenda.
Posten skal så snart som råd – gledeleg nok – køyra ein eigen bil til Kvinnherad med Grenda.
– Dei avisene vil me etter beste evne distribuera utover dagen. Det kan vera at postomberinga til og med vil skje etter kravet Posten har på seg, som er klokka 17 på ettermiddagen, men det er ikkje sikkert at alle får avisa i dag. Nokre kan koma til å få avisa i morgon, legg Lund til.
Dagens Grenda skal i utgangspunktet ut til alle postkassar i Kvinnherad.