Avlyser romjulscupen etter nye smittevernstiltak
Etter eit års fråvær skulle det etter planen endeleg vera klart for IL Trio sin romjulscup denne romjula. Slik blir det ikkje.
Som Grenda skreiv fredag i førre veke, var A-laget til IL Trio klare til å invitera til den tradisjonsrike romjulscupen 2. juledag.
– Vi satsar på å få det til, og utgangspunktet er at det blir romjulscup. Så skal vi sjølvsagt følgja med på smittesituasjonen lokalt og sjå korleis ting er når det nærmar seg, sa Trio-trenar Tore Olderkjær då.
Artikkelen held fram under annonsen.
Men vi trengte ikkje gå nærmare enn 7. desember før nye smitterestriksjonar sette ein naturleg stoppar for cupplanane til Trio.
Med dei nye og strenge smitteverntiltaka statsminister Jonas Gahr Støre (Ap) og regjeringa la fram på sin pressekonferanse tysdag kveld, vert også romjulscupen avlyst.
Så får vi håpa at romjula 2022 er jula kor Trio sin romjulscup endeleg kan bli arrangert.