Avlyste gudstenester – igjen
Kyrkja tar konsekvensen av dei nasjonale innstrammingane dei komande vekene, men alt er ikkje avlyst.
Som ein konsekvens av dei innstrammingane som kom etter pressekonferansen frå regjeringa søndag 3. januar avlyser kyrkja i Kvinnherad gudstenester og andre aktivitetar dei komande to vekene (fram til 18. januar). Dette gjeld ikkje gravferder og andre kyrkjelege handlingar som t.d. dåp eller vigsel.
Artikkelen held fram under annonsen.
– Gravferder vert gjennomført med maksimalt 50 til stades. Grunna avstandsreglar kan dette variera noko frå kyrkje til kyrkje. Andre kyrkjelege handlingar kan gjennomførast med maksimalt 10 deltakarar. Dette gjeld òg i store kyrkjer med mykje plass. Situasjon for heile samfunnet er utfordrande, og det er viktig at vi i kyrkja og tar del i dugnaden for å få avslutta denne pandemien, melder kyrkjeverje Torstein Aarthun.