Bjarne Øymyr på piano, Alex Grieg på kontrabass, Ingebjørg Eik på vokal og Sindre Aksnes på slagverk viste alle at dei er tvers gjennom proffe musikarar.

Balsam for sjela

Ingebjørg Eik Band leverte jazzperler på ei snor under konserten på Oska fredag kveld. Bjarne Øymyr, Alex Grieg, Sindre Aksnes og Ingebjørg Eik gav eit så og seia fullsett lokale balsam for sjela.

Mari Mehl
Publisert: 02.07.2017 10:16

Naturleg nok opna dei med "Summertime" denne varme sommarkvelden. Men så forsvann sola med låten "Ain't No Sunshine", før bandet gjekk inn i melankolien med "Angel Eyes", "My Baby Don't Care" og "How Insensitive". Første sett vart avslutta med "Georgia" og ein nydeleg versjon av "Make You Feel My Love".

Ingebjørg Eik tok publikum med inn i melankolien denne kvelden.

Sjølv om Ingebjørg Eik er frontfigur og vokalist i det nye bandet, fekk alle musikarane skina på scenen denne kvelden. Dei proffe musikarane viste at dei kan gjera kva som helst på scenen, og det heilt utan å anstrenga seg det minste. I alle fall tilsynelatande.

Artikkelen held fram under annonsen.

Uskedalen sin eigen Sindre Aksnes spelte sjølvsagt trommer under konserten.

Etter ein kort pause starta andre sett med haustlege "Autumn Leaves" og deretter kom som lova på førehand "50 Ways To Leave Your Lover" og "I Fall In Love Too Easy". Bandet sin versjon av "The Girl From Ipanema" hadde snert. Og då bandet avslutta med "Wish You Were Here" takka publikum med trampeklapp. Det fekk dei sjølvsagt betalt for, i form av ekstranummeret "My Funny Valentine".

Her forevigar Roy Lervåg konserten fredag. Han var tydeleg nøgd med kvelden.

 

NYHENDE