Bandhundkurs i Tveitedalen
Denne helga vart det halde bandhundkurs i regi av Hordaland Elghundklubb.
Kurset samla 25 deltakarar deriblant seks damer, vart halde i Ternebu på Utåker. Det kom deltakarar heilt frå Trøndelag til Rogaland. Deltakarane skulle gjennom ti timar med teori , der leiar i Hordaland Elghundklubb Vidar Lillevik frå Stord var instruktør. I tillegg til teori delen var det også lagt inn tre-fire timar i skogen der kursdeltakarane fekk gå bak og sjå korleis gode hundar oppfører seg i hjorteskogen.
Artikkelen held fram under annonsen.
Alt føregjekk i rolige omstende, der hundane blir ført fram i band. Etter timane på skogen mangla det ikkje på lovord, sjeldan eller aldri hadde dei sett så mykje hjort var ord som gjekk igjen. Dei 12 lokale elghund entusiastane som var med i skogen og rettleia deltakarane, gjorde ein kjempejobb og er heilt uunnverlig i ein slik samanheng.
Då deltakarane kom tilbake frå skogen venta eit fantastisk måltid. Dag Gjerde hadde laga til lammelår laga til i bålgrop med rotgrønsaker og saus, med andre ord ei topp helg for elghund entusiastar.
Tekst/foto : Atle Helland