Banklokalet står no heilt tomt
Nyleg flytta siste rest av dei tilsette på sal og service i SR-bank ut av lokala i Skålagato 52.
I 2012 vart bygget kjøpt av Haugesundfirmaet Futura Bygg og Eigedom AS, (no Futura Bygg AS), som også innebar kjøp av Skålagato 50, der mellom anna Power Rosendal held til. Styreleiar i Futura, Tore Lilleland, seier at det ikkje føreligg spesifikke planar for etasjen på gateplan per dags dato.
Artikkelen held fram under annonsen.
– Me ønsker å koma i kontakt med nokon som kan vera interesserte i å leiga lokala, seier Lilleland.
Store delar av lokalet har vore avertert ledig sidan SR-Bank flytta kundesenteret ut til Husnes i 2018. I 2. etasje held Energi Teknikk til, medan tannlegane Odd Keilen og Harald Hjelmeland har kontor i 3. etasje.