Barnas Turlag inviterer til spikkekurs i Uskedalen

Barnas Turlag Kvinnherad inviterer til spikkekurs på bygdetunet Rød i Uskedalen fyrstkomande laurdag.

– Har du lyst til å spikka og laga ting i tre? På kurset vil det vera mogleg å spikka leiker, for eksempel sprettert til å skyta på ballongblink, smørekniv og propellbåt til leik i bekken, skriv Barnas Turlag Kvinnherad i ei pressemelding.

Kurset, som eignar seg for barn i alderen 6 til 13 år, går av stabelen i Uskedalen laurdag 24. april. Dei som ynskjer å delta må ta med seg eigen spikkekniv, skriv Siv Framnes i pressemeldinga.