Barnevogn påkøyrt i fotgjengarovergang
Laurdag føremiddag vart ei barnevogn påkøyrt av ein bil i fotgjengarovergang ved Plassaneset i Rosendal.
Bilen var på veg sørover då sjåføren ikkje var merksam på at eit følgje med barnevogn var på veg over fotgjengarovergangen. Barnevogna med barnet i skal ha blitt treft av bilen og flagra eit stykke av garde.
- Tilsynelatande går det bra med barnet, som er sendt til legevakta for tilsyn. Bilføraren var aleine i bilen. Stort meir enn det har eg ikkje høve til å kommentera, sa politibetjent Sondre Solheim til Grenda etter ulukka.
Artikkelen held fram under annonsen.
Oppdatert: Politiet melder på Twitter at barnet er sendt til sjukehuset i Haugesund til observasjon, og politiet har beslaglagt førarkortet til ulukkessjåføren.