Båt har køyrd på skjer utanfor Halsnøy
Politiet mistenker ruskøyring etter at ein båt køyrde på eit skjer på Sundnesøya utanfor Halsnøy.
Klokka halv ti laurdag melde Vest politidistrikt at ein cabincruiser hadde køyrd på eit skjer på Sundnesøya utanfor Arnavik. Føraren av båten var åleine i båten og har kome frå uhellet utan skadar.
Artikkelen held fram under annonsen.
- Det er mistanke om køyring i ruspåverka tilstand. Båten står fast på skjeret og må mogleg hentast ut med kranbåt, skriv Vest politidistrikt på Twitter.