Båt på rek

Onsdag ettermiddag vart ein båt oppdaga på rek i Sundsnessundet. Den vart teken til land ved Borgyndøya, kor den no er sikra.

Vest politidistrikt vart varsla om båten som dreiv i Sundnessundet klokka 15:46.

«Båten er tatt i land til Gjerde hyttelag på Borgundøy. Ønskeleg at eigar tar kontakt med politiet på tlf 02800», skreiv dei då på Twitter.

I følgje Sigurd Børve ved Kvinnherad politistasjon kunne det verka som at båten hadde slitt seg, mellom anna då motoren sto oppe.

– Det er ikkje kome melding om at eigaren har meldt seg, men den som fann båten har sikra den, og utfrå sporing kan det sjå ut som at båten har vore i området rundt Skånevik, seier Børve dagen etter at båten, ein daycruiser, vart funnen.

Det vart gjennomført søk i funn-området, utan at det resulterte i noko vidare oppklaring.