Bedrift i medvind
Medan mange industribedrifter opplever tronge tider og har måtta redusera bemanninga, er stoda heilt annleis hjå Halsnøy Dokk AS. Grunna fulle ordrebøker ynskjer dei no å tilsetja fleire.
Halsnøy Dokk AS i Høylandsbygd rår over så mykje som 54.000 kvadratmeter industriareal. Men det trengst òg, for i vekene framover har kring 230 personar arbeidet sitt på området. Av desse er 24 selskapet sine fast tilsette, medan vel 70 er innleigde. I tillegg har verftet Fjellstrand 130 av sine folk der for å jobba med supplyskipet «Vestland Cygnus».
– Det har vore litt av ein kabal å skaffa overnatting. Men vi har greidd å finna hus, hytter og leilegheiter til alle saman, smiler dagleg leiar Frode Grønstøl.
Artikkelen held fram under annonsen.
Han er sjølvsagt glad for den store aktiviteten.
– Vi hadde eit litt traurig år i fjor, spesielt om våren var det for mange hol i ordreboka. Men sidan hausten har det vore travelt, seier Grønstøl.
Dei gode tidene medfører at selskapet gjer noko mange andre bedrifter berre kan drøyma om, dei lyser etter folk.
Les meir i tysdagens papiravis eller kjøp pdf-utgåva.