Bil på sida på Opsangervegen
Ein bil har køyrd av vegen og hamna på sida på Opsangervegen.
Like før klokka 15 laurdag rykka naudetatane ut etter melding om ei trafikkulukke like ved starten på 50-sona på Opsangervegen, på strekninga mellom Kvinnherad vidaregåande og den nye anleggsvegen til Kvinnherad arena.
Artikkelen held fram under annonsen.
- Det er ei singelulukke der ein bil har køyrd utfor vegen og hamna på sida i vegbanen. Det var ein person i bilen og den er køyrd til lokal legevakt for nærmare sjekk, seier politibetjent Kjetil Sæle.
Det er store materielle skadar på bilen. Brannvesen og politi ryddar på staden og vegen vil vera stengt i begge retningar inntil vidare.
Politiet oppmodar folk om å køyra via Teigen om dei skal rundt vatnet.