Bittert tap i sesongavslutninga

Ei Osterøy-scoring tre minutt før slutt sendte Trio-damene tomhendte heim frå årets siste seriekamp.

Skadar, sjukdom og jobb prega Trio-stallen før søndagens sesongavslutning på Osterøy. Likevel gav raudtrøyene til Per Einar Gjerding vertane kamp til døra.

Det starta rufsete for Trio, som vart spelt låge av eit velspelande Osterøy den fyrste halvtimen. Vertane varta opp med strålande fotball, og spelte tidvis ut Trio.

– Då såg det tung ut for oss, skriv damelaget i sin kamprapport på IL Trio si nettside.

Midt på tabellen

Men det unge Trio-laget gav ikkje opp. Den rutinerte spelande hjelpetrenaren, Kristine Enæs Medhaug entra banen etter ein halvtime, og tok tak i kampen.

– Det verkar som dei andre får ein boost av det, og heile laget løftar seg, skriv Trio.

Trio tok tak i ballen og varta opp med mønsterangrep etter mønsterangrep, men ballen ville ikkje inn i mål.

Ikkje før kampen var vel éin time gamal. Ei perfekt kontring endar opp i føtene til Kristine, som etter å ha drege seg fri med ei skotfinte, banka ballen lågt i mål til side for keeper.

– Ei fortent utlikning, skriv Trio.

Etter utlikninga jagar Trio for sigersmålet, og styrer heile kampen. Men tre minutt før slutt scorar Osterøy på eit frispark frå distanse.

– Noko i mot spelets gang. Vi følte vel det hadde vore rettferdig med poengdeling kampen sett under eitt, skriv Trio.

Med det er 2021-sesongen over for Trio-damene sine del. Dei endar på ein 6. plass i 5. divisjon med ti poeng.

– Vi har ikkje tapt med meir enn eitt mål mot nokon, men fire eittmålstap gjer likevel at vi endar opp midt på tabellen, skriv damelaget.

Osterøy 2-1 Trio (1-0)

451

Lea Sofie Dalland

Malin Lygre

Ingeborg S. Hagan

Mariel M. Madsgård

Linnea E. Rusten

Cecilie Medhaug

Sofia F. Televik

Synna H. Gjerding - GG

Ida Lygre - GGG

Leah R. Mo

Annie Kloster

Innbytarar: Kristine E. Medhaug – G, June S. Hammer , June Marie Sætre-Bjelland og Jenny Eide.

14 min: 1-0

58 min: 1-1 Kristine E. Medhaug

87 min: 2-1