– Bøn til politikarane
Etter at det kom fram at Kvinnherad kommune ønskte å femdoble utleigeprisar for bruk av skulane til overnatting under idrettsarrangement, har mange dugnadstimar i Trio gått med til å jobbe for å få endra på dette vedtaket. Kanskje kan det lukkast.
I levekårskomiteen 4. juni var det stemt 7 for og 1 imot forslag om at «Overnatting på skule skal vere gratis for born og unge under 19 år, i regi av frivillige lag og organisasjonar».
Artikkelen held fram under annonsen.
Dette vert no lagt fram som sak i kommunestyret 21. juni, og skal stemmast over.
Så no, kjære politikarar, har de to val:
1) Stem for dette forslaget, slik at det er mulig å arrangere Rema 1000 Husnes Cup for 18. gangen. Spel på lag med lag og organisasjonar som ønsker få til ting i kommunen vår. Ikkje knus det store og viktige frivillige arbeidet som vert lagt ned rundt dykk i bygdene våre. 1500 dugnadstimer vert lagt ned for å arrangere ein så stor cup. Om lag 70 lag ønskjer å delta, og det er ca. 1000 aktive med den helga. Cupen er godt kjent utanfor kommunen etter så mange år. Oppmodar dykk til å ta turen i idrettsparken under cupen, eller ver i Husnes sentrum på laurdagsformiddagen, når cup-opptoget kjem! Sjå kva liv og røre cupen skapar!
2) Er de inne på tanken om å stemma imot? Vær grei å lese alt i punkt 1). Vær grei å ikkje knuse dugnadsånda mi og enormt mange andre si. Vær grei å setje pris på alt det viktige dugnadsarbeidet som vert gjort for alle aldrar i heile kommune vår!
På førehand takk!
Lesarbev frå Hanne Larsen – Dugnadsytar og Nestleiar i IL Trio
Artikkelen held fram under annonsen.
[gravityform id="11" title="true" description="true"]