Border collie mest populær

Den allsidige gjetarhunden Border collie var mest populær både i Norge og i Kvinnherad i 2019.

Ferske tal frå Norsk Kennel Klubb (NKK) viser at Border collie er den mest populære hunderasen i landet for femte år på rad. I Kvinnherad har han klatra forbi Norsk elghund på og tronar no åleine på topplista over registrerte hundar i løpet av fjoråret.

Av dei 46 nyregistrerte hundane i kommunen i 2019, var fem av dei av Border collie. På landsbasis er talet 1220, noko som er 220 fleire enn Staffordshire bull terrier på ein god andre plass.

Staffordshire bull terrier er også inne på topp ti lista i kommunen med sine to nyregistreringar, med det var det berre Cavalier king charles spaniel som var meir populær i kommunen i fjor.

Ser vi på kategoriar vart det i 2019 registrert ni spisshundar og ni selskapshundar, medan det kom åtte nye bruks-, hyrde- og gjetarhundar, fem Schnauzer, pincher, molossar og sennehundar, fire apporterande hundar, fire drivande og sporhundar og tre terrierar.