Boreal får segla igjen
Seint onsdag kveld melder NRK at Sjøfartsdirektoratet likevel gir reiarlaget Boreal løyve til å segla, og at ferje- og snøggbåttrafikken kan gå som normalt igjen.
Artikkelen held fram under annonsen.
Kring 40 samband frå Finnmark til Rogaland vart råka då Sjøfartsdirektoratet gav Boreal seglingsnekt etter å ha avdekka alvorlege tryggleiksbrot hos reiarlaget Boreal.
NRK melder at etter krisemøte med tre statsrådar onsdag kveld blei det klart at båtane likevel får lov til å segla.
Løyvet kom etter at Boreal hadde lagt fram ein plan med tiltak dei skal setja i verk for å få orden på tryggleiksbrota.
Direktoratet har gitt beskjed til reiarlaget at dei aksepterer planen med nokre vilkår, og at Boreal dermed kan byrja å gå med fartøya igjen innan kort tid.
Les meir på NRK: https://www.nrk.no/nordland/alle-boreal-ferger-og-hurtigbater-beordres-i-land-etter-revisjon-fra-sjofartsdirektoratet-1.15292269