Brannen under kontroll
Oppdatert: Klokka 14.50 fredag ettermiddag meldte brannvesenet og politiet om grasbrann på Teigen. Ein halvtime seinare var brannen under kontroll.
- Meldt om grasbrann i området. Fare for spredning mot skog. Brann og politi på veg mot staden, skreiv Vest Politidistrikt klokka 14.50 om brannen i Teigen.
Då Grenda kom til staden ein lita stund etterpå kunne brannsjef Atle Josdal fortelja at brannen var under kontroll. Men eit ganske stort areal mellom Opsangervatnet og hovudvegen var blitt avsvidd. Husnes branntropp venta då på forsterkingar frå Halsnøy og Uskedalen, slik at dei kunne dynka ned området rundt med vatn, for å hindra flammene i å blussa opp igjen.
Artikkelen held fram under annonsen.
Det er fleire hus i området, og på det næraste var elden berre 50 meter unna.
- Eg oppmodar folk om å vera forsiktige. Etter nokre dagar med sol og varme, skal det lite til før elden spreier seg, sa Josdal, og la til at ingen vil få løyve til å brenna bål slik vêret er no.