Bygdekvinnene markerer kvinnedagen
Tradisjonen tru legg Omvikdalen bygdekvinnelag mars-treffet sitt til kvinnedagen. I kveld vert det eit arrangement utomhus, der bygdekvinnene inviterer til tur rundt øvre delen av Omvikdalen.
Etterpå vert det appell ved Hilde Lande Eikeland i kjellaren i ungdomshuset Dalheim.
Artikkelen held fram under annonsen.
– Vi har markert 8.mars på fleire ulike måtar. I år vil vi ha fokus på kvinnefellesskap og solidaritet. Det vert ikkje ein tur med parolar rundt dalen, men vi vil gå saman – og markera eit kvinnefellesskap på den måten, fortel leiar i bygdekvinnelaget Grethe Brundtland.
Etter appellen til Hilde Lande Eikeland vert det enkel servering og småpreik for dei som ønskjer det.
– Vi vil prata saman og kjenna på dette fellesskapet som vi meiner er så viktig. Vi har også invitert innflyttarkvinner via Møteplass for inkludering, og ønskjer at dette skal vera eit internasjonalt fellesskap – ikkje berre eit bygdefellesskap. Så eg håpar dei vil vera med oss, seier Brundtland.