Byggservice signerte sin største enkeltkontrakt

Byggservice inngjekk onsdag ein kontrakt med Veidekke om å utføra betongarbeidet på Ænes Inkubator.

– Dette er den største enkeltkontrakten til Byggservice hittil. Betongarbeidet omfattar anlegget si grunnflate på 9500 kvadratmeter, noko som tilsvara halvanna fotballbane, skriv Byggservice på Facebook.

I arbeidet, som startar opp 19. oktober i år, vil det gå med vel 8000 kubikkmeter med betong og 1000 tonn stål.

– Det vil gi arbeidet til 15-20 personar fram til våren 2022. Vi vil nytta oss av både eigne og innleigde folk på jobben, melder Byggservice.