Byr på kjekke ferieaktivitetar neste veke
Frivilligsentralen har lagt opp til ei innhaldsrik første ferieveke for barn og familiar, både i og utanføre kommunen.
Måndag 20. juni blir det open dag på Frøystein Gard på Husnes, der ein kan få kosa med nyfødte kashmir-kje og helsa på minigrisane som bur der. Det blir også fyrt i grillen.
Dagen etter blir det Bergens-tur, med vannkanten som hovud-destinasjon. Turen er lagt opp som ein familieaktivitet, og barn må ha vaksne med seg. Eigenandelen på 150 kroner per snute inkluderer buss til og frå Bergen, billett til vannkanten og måltid på Peppes pizza.
Artikkelen held fram under annonsen.
Onsdag 22. juni blir det BUA pop-up ved Opsangervatnet og Ungdomsbasen sør, der ein kan møta opp for å teste ut alt det kjekke utstyret BUA har å by på. Aktiviteten blir stelt i stand av Frivilligsentralen, Nattcaféen og Ungdomsbasen sør.
Torsdag er det gratis inngong i leikeland på Husnes storsenter, samt like gratis film i kinosalen på Husnes. Der vil animasjonsfilmen Barske bøller bli vist. Filmen har 6-årsgrense, og passar for heile familien.
Ferieveka sluttar av med gratis inngang i Rosendal Putballpark mellom klokka 12-16.
For meir informasjon om aktivitetane og for påmelding, kan ein ta kontakt med Frivilligsentralen eller gå inn på Kvinnherad Friskus, der alle aktivitetane ligg i kalenderen.