Byter heile veggen
Husnes Storsenter byter ut heile veggen mot Rema 1000 etter at den sterke romjulsvinden reiv med seg ei av platene 29. desember i fjor.
– Vi har valt å ta heile veggen når vi først er i gang. Litt fordi det trengtes, litt fordi vi ville vera på den sikre sida, seier dagleg leiar for Torghuset AS Josef Schlezinger.
Heilt sidan hendinga i desember har det vore redusert kapasitet i sentergarasjen. Med omkøyring inne i garasjen har det til tider skapt litt krøll. Men når veggen er ferdig vølt i slutten av mars, vil ting gå som normalt igjen.
Artikkelen held fram under annonsen.
– Etter planen skal alt stå klart i veke 12. Det er avhengig av at vêret er godt nok til at ein kan arbeida i lift, men det er vel alltid fint vêr på Husnes, så vi siktar oss inn på at det står ferdig då, smiler Schlezinger.