Data- og mobilhjelp på frivilligsentralen
KVV sine helse og oppvekst-elevar vil utover våren tilby sin ekspertise på data og mobil til dei som treng det.
– Ta med deg data, telefon eller nettbrett og få hjelp til det du lurer på. Dette vert ikkje eit kurs, men ei hjelp til sjølvhjelp-gruppe, skriv Kvinnherad frivilligsentral på sine Facebook-sider.
Artikkelen held fram under annonsen.
Det er elevane frå VG 1 og VG 2 helse og oppvekst som onsdagar og torsdagar utover våren vil stilla sin ekspertise til dispensasjon.
– Hemmelegheita er å våga å gjera feil og gjenta det du har lært til det kjem naturleg, skriv frivilligsentralen.
Førre gong dei skipa til liknande kurs var det stor pågang. Difor ynskjer frivilligsentralen at alle som treng hjelp melder seg på til dei.
– For at alle skal få god hjelp vil det vera avgrensa med plassar, så vi ynskjer påmelding til frivilligsentralen, står det å lesa.