Datautstyr stole frå kulturhuset – etterlyser vitne
Natt til torsdag har nokon teke seg inn på Kulturhuset Husnes og stole ei berbar datamaskin og tilhøyrande utstyr.
– Me er interessert i å koma i kontakt med personar som har vore i nærleiken eller som har opplysingar til saka, seier politiførstebetjent Torgeir Fosse.
Artikkelen held fram under annonsen.
Politiet i Kvinnherad var sjølv på staden og gjennomførte åstadundersøkingar torsdag morgon.
– I tillegg har me sett på overvakingsvideoar, og er då interessert i å koma i kontakt med to personar som gjekk frå biblioteket litt før halv ti onsdag kveld. Dei er ikkje mistenkte, men vi ynskjer å snakka med dei, seier Fosse.
Det er ingen synlege teikn til innbrot på staden, og dørene var opne då folk kom på jobb i torsdag morgon.