– Det er vanskeleg å finna ord

Ordførar Peder Sjo Slettebø fortel at ei slik ulukke er noko av det verste som kan råka eit lokalsamfunn.

– Det er vanskeleg å finna ord. Det er ufatteleg tragisk. Det å mista ein ungdom er noko av det verste som kan råka eit lokalsamfunn. Våre tankar går til dei pårørande, familie og vener. Det er mange som har det vondt i dag, seier ordførar Peder Sjo Slettebø.

Like etter ulukka vart det etablert eit kriseteam i kantina på Husnestunet.

– Dette er ei ulukke som råkar mange. Det er forferdeleg vondt, så vert det vurdert om vi skal etablera ein samlingsstad utover dagen, seier Slettebø.

Like før klokka 12.00 onsdag vart det klart at kyrkja på Valen vert open for dei som ynskjer det i kveld (onsdag) klokka 18.00.

Dette er den andre alvorlege trafikkulukka i Kvinnherad den siste veka. Fredag 22. desember køyrde ein bil med seks ungdomar i fjellveggen i Halsnøytunnelen.

– I den andre ulukka kom alle frå det med livet i behald. Her har vi mista ein av våre ungdomar, og det er så ufatteleg tragisk. Så håpar vi inderleg at han som ligg på sjukehus kjem frå det med livet i behald, seier ordføraren.